Ek is Carla, ma van drie, voormalige joernalis en die hande agter O, VET!

​

Ons gesin het verhuis na De Rust in die Klein Karoo. Hier het ek opnuut verlief geraak op eenvoud: stadiger dae, oop ruimtes en die wysheid van dinge wat al vir geslagte lank werk.

 

O, VET! het ontstaan uit ’n begeerte om produkte te maak wat ek met volle vertroue op my eie gesin se velle kon gebruik. Ek was op soek na iets wat natuurlik, doeltreffend en eerlik is maar steeds soos ‘n bederf voel elke dag.

 

Toe ek die besondere eienskappe van skaaptalg (tallow) ontdek, het iets net sin gemaak. Hier was ’n bestanddeel wat al vir geslagte gebruik word, wat voed, beskerm en in harmonie met die vel werk. Dit het die begin geword van ’n reis om ou wysheid met moderne vakmanskap te kombineer.

 

Vandag word elke O, VET!-produk steeds in klein hoeveelhede gemaak, die bestanddele word met sorg gekies en met baie aandag aan detail. Ons glo dat velsorg nie ingewikkeld hoef te wees nie. Dit moet eenvoudig werk, goed voel en jou herinner om soms stadiger te leef.

 

Van ons huis in die Karoo na joune — dankie dat jy deel is van ons verhaal.

​

Mag jy en joune geseënd wees.

Groete,
Carla xxx